Hotaka 8.01.10- 12.01.10

Hotaka
8.01.10- 12.01.10

Mane/ Rahina 8.01.10
Rangitaanenuirawa

Ko tetahi kaupapa e whaitia ra i te wahanga tuatahi o te pahotanga ko nga uri o Whatonga ki nga rohe o Kapiti me Te Whanganui-a-Tara. Ka korero au mo Ngati Ira, Ngati Mamoe, Muaupoko me Rangitaane whanui.

A te wahanga tuarua o te haora ka korero au mo te waahi ataahua i te mutunga o Maxwell’s Line ki Awapuni nei. Ka whai au i etahi o nga mahere e puta mai nei i te Kaunihera o Papaioea mo te whakatuwheratanga o tenei waahi ki te hapori whanui.

Turei/Ratu 9.01.10
Te Moana me te ngahere

Ka korero tonu au mo nga waipuke me nga marangai i nga waahi pena i te Tai Rawhiti me Te Tai Tokerau. Ko te take hohonu e whaitia nei ko te mahi i mahia ai i mua o te aitua kia whakaitihia nga mea kino. A muri i aku korero mo enei moumou mea i tenei whenua ka korero au mo nga waipuke me nga marangai i etahi atu waahi o te ao pena i a New Orleans. He aha nga oritenga me nga rerekehanga?



Wenerei/ Raapa 10.01.10
Te Ao Paho


Ka korero au mo te pai, te kino ranei o National Radio. He aha nga oritenga me nga rerekehanga o te teihana reo irirangi nei me etahi teihana. I te mea tuatahi ka titiro au ki te tawhiti atu i a National Radio me nga teihana reo Maori. I a au e whai ana i tenei ka korero au mo nga rangona korero e puta nei i Waatea. He pai rawa atu enei I era e whakarongohia i National Radio?


Taite/ Rapare 11.01.10
Te mahi toi

Ko te kaupapa korero o tenei wiki ko nga pikitia pena i a Avatar me Chato’s Land. I tera wiki I mahue ake nei ka korero au mo Avatar. E tika ana hoki maku e whai i nga korero pera i a Pocahontas.
He aha te pai o enei mahi toi mo nga iwi taketake?
He aha te kino?


Paraire/ Ramere 12.01.10
Te whare miere

Ko te wawata i tenei wiki kia whaia nga patai me nga whakautu o te hapori i puta ai i Te Karere i te wiki i mahue ake nei. He aha te whakaaro o te hapori Maori mo Phil Goff? He aha te pai o tena To Rangapu, tena ranei ki nga tangata i pataia ai?


I waenganui o te haora paho ka korero au mo tetahi rangona korero mai i tena pito, tena ranei o te ao. Ko te wawata i konei kia hono ai te pahotanga ki te ao hurihuri.

Hotaka 1.01.10-5.01.10

Hotaka

Mane/ Rahina
Rangitaanenuirawa

Kei hea nga waahi o Rangitaane?

I tenei wa paho ka patai au i nga tangata e whakarongo ana kei hea nga waahi nui o Rangitaane i nga wa o mua.
Hei tauira, i te wahanga tuatahi o te pahotanga ka patai au, ‘Kei hea a Mokomoko?’
Hei te wahanga tuarua ka hoatu au i te whakautu, ‘Ko Mokomoko, he kainga o Rangitaane i tu ai i te waahi o te Whare Wananga o Massey’.

I waenganui o te haora paho ka korero au mo tetahi rangona korero mai i tena pito, tena ranei o te ao. Ko te wawata i konei kia hono ai te pahotanga ki te ao hurihuri.

Turei/Ratu
Te Moana me te ngahere

Kia whakaaro ai tatau mo te moana me te ngahere e tika ana kia whai ai tatou i nga korero mo te whakamahanatanga o te ao.
Hei tauira e tika ana ma tatou e whai i nga kaupapa korero e puta atu i nga hui pena i tena i Copenhagen.
He aha te pai o tenei hui?
He pai rawa kia mohiotia te waahi hui hei Brokenhagen? Ko tenei tooku whakaaro inahoki kaore nga rangatira i hui ai i piri tonu ki o ratou ano whakaaro teitei i mua i te hui.
Ko etahi kupu mo Copenhagen kia hikoi tatou i te huarahi patai penei, ko Pokerhagen, Ko Hohahagen ranei.

I waenganui o te haora paho ka korero au mo tetahi rangona korero mai i tena pito, tena ranei o te ao. Ko te wawata i konei kia hono ai te pahotanga ki te ao hurihuri.

Wenerei
Te Ao Paho
Ko te kaupapa korero e whaitia ana i tenei wiki ko nga korero a iwi e kitea ana i te Pouwhakaata Maori.

Hei tauira kia whakaaro ai tatou mo nga korero e puta ana mo Waikato-Tainui.

Ko te mea tuatahi e tika ana kia mihia nga tangata pena i a Tukuroirangi Morgan ma na ratou ra enei whakaaturanga. E tika ana kia honoretia whanuitia nga mea katoa o te Kingitanga tae rawa ki a Kingi Tuheitia mo to ratou ano tautoko i tenei mahi.
He mea miharo ki au ki te matakitaki i nga tangata tuturu o Waikato- Tainui i a ratou e korerorero mo to ratou ano whakapapa, hitori hoki. Kare kau he tangata atu i a Waikato-Tainui tonu i puta korero ai i te whakaaturanga.

Ki a au hoki he tino pai ki te whai i nga korero mo nga waahi pena i a Kawhia, he pai hoki ki te whakarongo ki nga korero mo te timatatanga o te whakaaro mo te Kingitanga. I ro hoki ra i nga korero penei ka puta te korero mo nga kura tuatahi o nga mihinare pera i ta Marsden. He rangahau whanui tena i taea ai e Tuku ma.

I waenganui o te haora paho ka korero au mo tetahi rangona korero mai i tena pito tena ranei o te ao. Ko te wawata i konei kia hono ai te pahotanga ki te ao hurihuri.

Taite
Te mahi toi

Ko te kaupapa korero o tenei wiki ko te pikitia Avatar.

He tino kaupapa tena i roto i te pikitia nei. Kua puta nga mea o tenei ao ki tetahi ao tawhiti, a, ka whai whenua ratou. Ka nohoia tena e tetahi iwi taketake e kiia nei ko te Nar’vi. Ko tetahi raruraru kei raro ra o tenei whenua ko te rino e kiia nei ko unobtainium.

Ko te Nar’vi, he pena to ratou reo i te reo Maori i etahi ahuatanga.

Ka riri nga iwi e rua nei, a, ka tutaki pai nga Nar’vi.
Ko tetahi mea reka ko te korero whaiaipo i roto i te pikitia. Ka hotu te manawa mo tena.

E hoa ma, kia whai taima ai koutou tena koa haere atu ki tenei pikitia. He mea tino pai rawa atu.

I waenganui o te haora paho ka korero au mo tetahi rangona korero mai i tena pito, tena ranei o te ao. Ko te wawata i konei kia hono ai te pahotanga ki te ao hurihuri.

Paraire/ Ramere
Te whare miere
Ko te kaupapa korero mo tenei wiki ko te hui ki Ratana.
I te wahanga tuatahi o te wa paho ka whai au I nga mea i puta ai pena i te haere o nga kai korero me nga korero i puta atu i nga tangata pena i a Andre Meihana.

Ka korero hoki au mo nga take i whakatakoto ai i a Pita Sharples ratou ko John Key ma.

Hei te wahanga tuarua o te wa paho ka patai atu au i nga ui pena i enei e whai ake nei;
Ka pai te ekenga o Nahinara i te ra tuarua?
He aha te hohonu me te whanui o te tautoko o te Haahi Ratana mo Reipa?

I a au e korero ana ka patai au i nga patai pena i enei e whai nei;
Kei hea tatou e noho ana? Kei Aotearoa? Kei Hone Kii Roa, kei Harawiraroa, kei hea ranei?

I waenganui o te haora paho ka korero au mo tetahi rangona korero mai i tena pito, tena ranei o te ao. Ko te wawata i konei kia hono ai te pahotanga ki te ao hurihuri.